ने. सं. ११४४ ञलाथ्व दशमी -

कोरोना नियन्त्रणया निंतिं चिकित्सकतय् पुचः सुदूरपश्चिमय्

येँ – कोरोना भाइरस (कोभिड–१९)या रोकथाम व नियन्त्रण यायेगु निंतिं सरकारं ३३म्ह चिकित्सकतय् पुचःयात सुदूरपश्चिमय् छ्वःगु दु ।

स्वास्थ्य मन्त्रालयं यति एयरया जहाज चार्टड यानाः शुक्रवाः चिकित्सकतय् पुचः धनगढीइ छ्वःगु खः । उकी मध्ये १३म्ह चिकित्सकयात सेती प्रादेशिक अस्पतालय् व मेपिं अछाम, बैतडी, डडेलधुरा, दार्चुला, कैलाली बझाङय् वनाः ज्या याइगु जूगु दु । अन छ्वःपिं आवसिय चिकित्सकत सरकारया छात्रवृत्तिइ एमडिएमएस निगूगु दँय् ब्वनाच्वंपिं खः ।