बुढानिलकण्ठय् इटलीं वःम्ह मिसायाके र्यापिड टेस्ट पोजिटिभ
येँ– येँया बुढानिलकण्ठ नगरपालिकाय् छम्ह इटलीं वःम्ह मिसाया र्यापिड टेस्टया रिपोर्ट पोजिटिभ क्यंगु दु । बुढानिलकण्ठ नगरपालिकां विदेशं वःपिनि र्यापिड टेस्ट सुरु यायेवं थः हे वयाः टेस्ट याकः वःम्ह उम्ह ३१ दँया मिसाया एन्टिबडी पोजिटिभ खनेदुगु खः ।
बुढानिलकण्ठ नगरपालिकाया मेयर उद्धवप्रसाद खरेलं उम्ह मिसाया र्यापिड टेस्ट रिपोर्ट पोजिटिभ वयेवं वयागु परीक्षण याःपिं चिकित्सक, ल्याब टेक्निसियन व स्वयंसेवकयात नं क्वारेन्टाइनय् तयागु खँ धाःगु दु ।
नगरपालिकां न्हापा विदेशं वःपिनि रेकर्ड काःगु इलय् उम्ह मिसाया विदेशं लिहां वःगु रेकर्ड मदुगु खः । तर इटलीं लिहां वःगु २२ न्हु लिपा मिसा थः हे वयाः परीक्षण याकःवःगु खः ।
आः उम्ह मिसाया स्वाब कयाः पिसिआर विधि पाखें परीक्षण यायेत्यंगु दु ।
LEAVE YOUR COMMENTS