कोरोना भाइरसया संक्रमण मजूगु देय्त

येँ – कोरोना भाइरस (कोभिड-१९)यात विश्व स्वास्थ्य संगठनं महामारी धकाः घोषणा याःगु लच्छि जुइधुंकूगु दु । वंगु डिसेम्बरय् चीनया वुहान शहरं सुरु जूगु कोरोनाया संक्रमण विश्वन्यंक थ्यनेधुंकूगु दु । आः तक विश्वया १८५ देशय् थुगु भाइरसया संक्रमण खनेदयेधुंकूगु दु ।

विश्वन्यंकया देय्या सरकारं थःथःगु नागरिकयात सामाजिक दुरी कायम यायेत इनाप याःगु दु । कोरोनाया संक्रमण पनेगु निंतिं अत्यावश्यक ज्या मदयेकं छेँ नं पिहांमवनेत नं सरकारं इनाप याःगु दु ।

जोनहप्किन्स विश्वविद्यालयया कथं आः तक १८ लख मनूत कोरोना भाइरसपाखें संक्रमण जुइधुंकूगु दु । उकी मध्ये छगू लख १० हजार मनूत सीधुंकूगु दुसा ४ लख १२ हजार मनूत संक्रमणपाखें मुक्त जुइधुंकूगु दु ।

थज्याःगु इलय् अझ नं छुं छुं देशय् कोरोनाया संक्रमण खनेदुगु मदुनी । अज्याःगु देय्त थुकथं दु :

कोमोरस

किरिबाति

लेसोथो

मार्सल आइल्याण्ड

मिक्रोनेसिया

नाउरु

उत्तर कोरिया

पलाउ

सामोआ

साउ तोमे व प्रिन्सिपे

सोलोमोन आइल्याण्ड