सप्तरीइ निम्ह व गोरखाय् छम्हेसिया र्यापिड टेस्ट रिपोर्ट पोजिटिभ
सप्तरीइ पोजिटिभ खनेदुम्ह निम्ह दिल्लीइ जूगु तबलिकी जमानय् वनाः लिहां वःपिं
येँ– दिल्लीइ जूगु मुस्मांतय् धार्मिक ज्याझ्वः तबलिकी जमातय् सहभागी जुयाः सप्तरी लिहां वःपिं निम्हेसिया र्यापिड टेस्ट पोजिटिभ वःगु दु । दिल्लीइ वनाःलिहां वःपिं न्हय्म्ह मुस्मांतय्त यानास्वःगु ¥यापीड टेस्टय् निम्हेसिया रिपोर्ट पोजिटिभ वःगु खँ धाःगु दु । दिल्ली वनाः लिहां वःपिं च्याम्ह मध्ये न्हय्म्हेसिया परीक्षण जूगु व उपिं मध्ये निम्हेसिया रिपोर्ट पोजिटिभ वःगु खः ।
गजेन्द्रनारायण सिंह सगरमाथा अस्पतालय् जूगु र्यापिड टेस्टय् पोजिटिभ वयेवं थप परीक्षणया निंतिं उमिगु स्वाब धरानय् च्वंगु बिपि कोइराला स्वास्थ्य विज्ञान प्रतिष्ठानय् छ्वयेधुंकूगु खँ धाःगु दु । आः उपिं निम्हेसितं सगरमाथा अस्पतालय् आइसोलेसनय् तयातःगु दु । उपिं वंगु मार्च ८ व ९ तारिखय् दिल्ली जूगु निजामुद्दिन मस्जिदया धार्मिक सभाय् वनावःपिं खः ।
अथेहे गोरखाय् नं बहराइनं लिहां वःम्ह छम्ह मिजंया र्यापिड टेस्ट पोजिटिभ वःगु खँ सीदुगु दु । गोरखाया आरुघाटय् विदेशं लिहां वःपिनि र्यापिड टेस्ट यानास्वःगुलिइ छम्हेसिया रिपोर्ट पोजिटिभ वयेवं वयात आइसोलेसनय् तयाः थप परीक्षणया निंतिं वयागु स्वाब पोखरा यंकूगु दु । उम्ह ल्याय्म्ह वंगु चैत १ गते बहराइनं लिहां वःगु खँ धाःगु दु ।
LEAVE YOUR COMMENTS