कैलाली छम्ह वृद्धायाके काेराेना पुष्टी

येँ – कैलालीया लम्कीचुहाया छम्ह ६५ दँया वृध्दायात काेराेना संक्रमण लूगु दु । बीरगन्जं चैत ९ गते कैलाली थ्यंंम्ह उम्ह मिसाया न्हापा याःगु र्‍यापिड टेष्टय् धाःसा नेगेटिभ क्यंंगु खः । लिपा पिसिआर टेष्टय् धाःसा पाेजिटिभ रिर्पाेट वःगु खः ।

बीरगन्जं वयेवं वयात क्वारेन्टाइनय् तःगु खः । अन जूगु र्‍यापिड टेष्ट नेगेटिभ वःगुलिं वयात चैत २४ गते छेँय् छ्वःगु खः । उवलय् हे कयातःगु सवाब पाखें जूगु पिसिआर टेष्टया रिपोर्ट नेगेटिभ वयेवं थप परीक्षणया नितिं येँ छ्वयाहःगु खः ।

येँ नं थाैं बिउगु रिपोर्टय् वयाके काराेना खनेदुगु खः ।

उम्ह मिसा बीरगन्जंय् चिया पसः तयाच्वंम्ह खः । बीरगन्जय् म्हिगः तिनी स्वम्हेसित काेराेना जूगु पुष्टि जूगु खः । उम्ह मिसायात क्वारेन्टाइनय् तयेत धनगढी छ्वःगु दु । आ वया थःथितिपिं मालेगु ज्या जुयाच्वंगु खँ धाःगु दु ।‏