काेराेनां सीपिनि ल्याः छगू लाखं मल्यात

येँ – विश्वय् काेराेना भाइरस संक्रमण सीपिनि ल्याः छगू लाखं च्वय् थहांवंगु दु ।

थाैं सुथय् च्याताः ई तकया दुने सीपिनि ल्याः १ लाख २ हजार ७३४ थ्यंगु दु । अथेहे काेराेना संक्रमित जूपिनि ल्याः १२ लाख २० हजार ५७० थ्यंगु दु थुपिं मध्ये मुक्कं ३ लाख ७६ हजार ३२७ म्ह सफल उपचार लिपांं छ्यं लिहांवनेत ताःलाःगु दु ।

सीपिं मध्य दकलय् अप्व इटली दु । इटली सीपिनि ल्याः १८ हजार ८४९ म्ह थ्यंगु दु । तर छुं इ लिपा हे सीपिनि ल्याः दकलय् अप्वः अमेिरकाय् जुइगु खनेदु । अमेरिकाय् नं सीपिनि ल्याः १८ हजार ७४७ म्ह थ्यने धुंकूगु दु । अमेरिकाय् संक्रमित तय् ल्याः ५ लाख २ हजार ८७६ थ्यनेधुंकूगु दु । इटलीइ संक्रमिततय् ल्याः १लाख ४७हजार ५७७ दुसा स्पेनय् १ लाख ५८ हजार २७३ थ्यने धुंकूगु दु ।

झी जःलाखःला देय् भारतय् ७ हजार ६०० थ्यने धुंकूगु दुसा सीपिनि ल्याः २४९ म्ह थ्यंगु दु । नेपालय् संक्रमिततय् ल्याः गुम्हं अप्वः थहांवंगु मदु ।