इक्यानपाखें विदेश च्वनाच्वंपिं विद्यार्थीतय् समस्या दर्ता यायेगु सुरु

येँ (रासस) – नेपाल शैक्षिक परामर्श संघ (इक्यानं) उच्चशिक्षाया निंतिं विदेशय् च्वनाच्वंपिं नेपाःमि विद्यार्थीतय् ग्वाहालिया निंतिं आपतकालीन फारमपाखें समस्या दर्ता याकेगु सुरु याःगु दु । थुगु फारमय् संसारया न्ह्यागु देशय् च्वनाच्वंपिं विद्यार्थीपिंसं नं थःगु समस्या दर्ता यायेफइ ।
विश्वब्यापीरुपं न्यनाच्वंगु कोरोना भाइरसया कारणं विदेशय् अध्ययन यानाच्वंपिं विद्यार्थीतय्त समस्या जुइवं इक्यानं थज्याःगु विद्यार्थीयात ग्वाहालि यायेत ‘इक्यान कोभिड १९ आपतकालिन रजिष्ट्रसन फारम’ या सुरुवात याःगु खः ।

इक्यानया अध्यक्ष प्रकाश पाण्डेया कथं विद्यार्थीतय्त वयेफुगु समस्या समाधानया निंतिं नेपाल सरकार शिक्षा, विज्ञान तथा प्रविधि मन्त्रालय, सम्बन्धित देशया दूतावास, गैरआवासिय नेपाली संघ (एनआरएनए), नेपालस्थित परामर्श संघ, कन्सल्टेन्सि व थीथी संघसंस्थालिसे सहकार्य यानाः ग्वाहालि यायेगु जुइ ।

थ्वयां न्ह्यव नेपाल राष्ट्र बैंकं नेपाःपाखें अभिभावकपिंसं विदेशय् च्वनाच्वंपिं थः मस्तय्त अप्वलय् ५०० अमेरिकी डलर तक खर्च छ्वयेफइगु व्यवस्था यायेधुंकूगु दु । इक्यानं थ्व रकम नं अप्वयेकेत माग याःगु दु ।

सम्बन्धित बुखँ

LEAVE YOUR COMMENTS