रियल मी १० बजारय्

येँ (नेपालभाषा टाइम्स)- रियल मीया आःतकया हे दकलय् स्लिम स्मार्टफोन नेपाली बजारय् नं वःगु दु । रियल मी १० सिरिजया थ्व मोबाइलय् ८ जिबी ¥याम, १२८ जिबी रोम दु । थ्व मोबाइलया भाः नेपाली बजारय् २९ हजार ९९९ तका तयातःगु दु । रियली मीं पावर किङ कथं न्ह्यब्वःगु थ्व मोबाइलय् मेडियाटेक हेलियो जी ९९ प्रोसेसर, ९० हर्जया एमोलेड डिस्प्ले दु । ३० हजारया भावं लाःगु हेलियो ९९ प्रोसेसर व ९० हर्जया एमोलेड डिस्प्ले दुगु थ्व हे छगः जक मोबाइल जूगु कम्पनीया दावी दु ।

बजेट फोनय् बांलाक गेमिङ एक्स्पिरियन्स कायेगु खःसा थ्व मोबाइल तसकं उपयुक्त जूगु दावी नं कम्पनीया दु । थुकी ब्यालेन्स्ड मोडय् ४० एफपिएसय् पबजी म्हिते जिउ ।

अथेहे थ्व १२८ जिबीया रोमय् ३२ हजार तक किपा स्टोर यायेजिउगु व थ्व स्टोरेज नं १ टिबी तक थप यायेफइ । अथेहे थुकी ८ जिबी तकया भर्चुअल ¥याम तयातःगुलिं ¥यामया स्टोरेज नं १६ जिबी तक अप्वयेकेफइगु व थुकिं यानाः १८ गू एप तक स्ट्यान्ड बाइ मोडय् तयाः चले यायेफइगु खँ धाःगु दु । थुकी ५००० एमएएचया ब्याट्री तयातःगु दुसा थ्व ब्याट्रि २८ मिनेट दुने हे ५० प्रतिशत चार्ज जुइगु दावी दु ।