ने. सं. ११४३ चौलाथ्व पारू -

नेपालमण्डल साहित्य प्रतिष्ठान नीस्वन

यल – नेवाः ख्यः व नेपालभाषा साहित्यया म्हसीका बीगु नापं उकिया विकास याना यंकेगु उद्देश्यं नेपालमण्डल साहित्य प्रतिष्ठान नीस्वंगु दु । थन जूगु छगू भेलां बद्री वेदनाया अध्यक्षताय् नीम्हेसिया छगू ज्यासना पुचः नं नीस्वंगु खः । प्रतिष्ठानया उपाध्यक्षय् सगेन्द्र महर्जन, प्रदीपरत्न शाक्य, निर्मला श्रेष्ठ व प्रेम के. निदर च्वनादीगु दुसा महासचिवय् नरेन्द्र श्रेष्ठ, सचिवय् सुजिता माःजु, कोषाध्यक्षय् पदमबहादुर अमात्य व सह कोषाध्यक्षय् दशराज शाक्य च्वनादीगु दु । अथे हे दुजलय् वीरप्रसाद भन्सारी, सौरभ शाक्य, कृष्ण साय्मि, रामेश्वर जलन, मजनु महर्जन, नरेश अमात्य, सुनिल वज्राचार्य, मदनराम कर्माचार्य, दिव्या तुलाधर, रेणु श्रेष्ठ, वेखा ताम्रकार, शिला ताम्रकार व रविन्द्र महर्जन च्वनादीगु दु ।

थ्व हे झ्वलय् प्रतिष्ठानया ज्यासना पुचःया न्हापांगु मुँज्यां थ्व हे वइगु चैत २४ गते नेपालभाषा साहित्य सम्मेलन लिसें हनाज्याझ्वः यायेगु क्वछिउगु दु । उगु मुँज्यां प्रतिष्ठानया भावी ज्याझ्वःयात कयाः नं सहलह ब्याकूगु खःसा नापं बृहत् साहित्य सम्मेलन व साहित्यिक ज्याझ्वःत याना वनेगु नं क्वःछिउगु दु । थुकथं हे नेवाः राहत कोष नीस्वनेगु व नेवाः सरोकारया विषयय् अन्तरक्रिया, गोष्ठि, प्रशिक्षण लगायतया थीथी ज्याझ्वः न्ह्यका वनेगु नं क्वःछिउगु दु । लिसें वइगु चैत २४ गते जुइगु सम्मेलन व हनाज्याझ्वः ताःलाकेया निंतिं साहितय वाचन, हना, आर्थिक व्यवस्थापन, प्रचारप्रसार कमिटी नं नीस्वंगु प्रतिष्ठानं जानकारी बिउगु दु ।