नेपाःया न्हापांम्ह एनेस्थेसिएन मंत

येँ – नेपाःया न्हापांम्ह एनेस्थेसिएन प्रा. डा. त्रिरत्नमान तुलाधर ८५ दँया उमेरय् वंगु चैत ५ गते मंत । मदुम्ह डा. तुलाधरया अन्त्येष्ठि बौद्ध परम्पराकथं थनया शोभाभगवतिस्थित कर्णदीपय् जुल । वय्कःया सीम्हय् वय्कःया तःधिकःम्ह काय डा. सम्पूर्णमान तुलाधरं मि तयादीगु खः ।

उगु इलय् धर्मोदय सभां मदुम्ह तुलाधरया अन्त्येष्ठि जुयाच्वंगु इलय् हे द्वीपय् शोकसभा नं याःगु खः । मदुम्ह तुलाधरया लुमन्तिइ जूगु शोकसभाय् धर्मोदयया महाचिव सागरमान वज्राचार्यं वि.सं. २०१३ सालय् नेपाःया इतिहासय् दकलय् न्हापां प्यक्वःगु विश्व बौद्ध सम्मेलनया ग्वसाः ग्वःगु इलंनिसें हे धर्मोदय सभाया प्रत्येक सभा सम्मेलनय् वय्कलं थःगु सहभागिता क्याना वयाच्वंगु खँ कनादिल ।

धर्मोदय सभाया महासचिव, उपाध्यक्ष नं जुयादीधुंकूम्ह मदुम्ह तुलाधर संस्थाया श्रेयस्कर सदस्यलिसें आजीवन सल्लाहकार नं खः । उगु इलय् वय्कःया लुमन्तिइ छगू मिनेट मौन धारण नं याःगु खः ।

सम्बन्धित बुखँ

LEAVE YOUR COMMENTS