वज्राचार्य क्लबय् न्हूगु ज्यासना पुचः

येँ – वज्राचार्य क्लबया स्वक्वःगु तःमुँज्या व न्याक्वःगु दँमुँज्या क्वचाल । वंगु शुक्रवाः जूगु तःमुँज्यां सुर्ज वज्राचार्यया अध्यक्षताय् न्हूगु ज्यासना पुचः नं नीस्वंगु दु । पुलांम्ह नायः सुजन वज्राचार्यया संयोजनय् अच्युत वज्राचार्य व राजीव वज्राचार्य दुगु निर्वाचन कमिटीं सर्वसम्मतिं न्हूगु ज्यासना पुचः ल्यःगु खः ।

न्हूगु ज्यासना पुचलय् डा. मनिस वज्रँचार्य न्वकु, सृजन वज्राचार्य मू छ्याञ्जे, मिनेस वज्राचार्य छ्याञ्जे, ज्ञानरत्न वज्राचार्य दांभरिं, अञ्जु वज्राचार्य लिउ दांभरि जुयादीगु दुसा दुजलय् अल्वर्ट वज्राचार्य, सजनलाल वज्राचार्य, मोनिस वज्राचार्य, करिष्मा वज्राचार्य, नसना वज्राचार्य च्वनादीगु दु ।

निर्वाचन न्ह्यः क्लबया नायः ज्योति वज्राचार्यया सभातित्वय् जूगु दँमुँज्याय् प्रा. डा. पुष्कर वज्राचार्य मूपाहाँ कथं व धर्माेदय सभाया नायः बौद्धविद्वान यज्ञमानपति वज्राचार्य, राजगुरुजु मञ्जुश्री रत्न वज्राचार्य, बौद्धविद्वान राजेन्द्रमान वज्राचार्य, बौद्ध विहार संघ यलया वरिष्ठ उपाध्यक्ष करुणारत्न वज्राचार्य उपाध्यक्ष सुरेन्द्र वज्राचार्य, समाजसेवी पवित्र वज्राचार्य, प्रा.डा. सिलु सायमि वज्राचार्य, अधिवक्ता जितेन्द्र वज्राचार्यपिं पाहाँ कथं झायादीगु खः ।