निःशुल्क मयायेगु निर्णय लित कायेत नेकपा नेताया इनाप

येँ (नेपालभाषा टाइम्स) – सत्तारुढ नेपाल कम्युनिष्ट पार्टीया हे वरिष्ठ नेता माधवकुमार नेपालं सरकारं कोरोना संक्रमिततय्त निःशुल्क उपचार यायेमखु धकाः याःगु निर्णय लित कायेत माग यानादीगु दु। नेता नेपालं म्हिगः छगू वक्तव्य हे पिकयाः थ्व निर्णय लितकायेत माग याःगु खः । वय्कलं कोरोना संक्रमिततय् निःशुल्क उपचार यायेमखु धकाः धायेगु निर्णय तसकं आपत्तिजनक जूगु व नागरिकतय् अभिभावक जुइमाःम्ह सरकारं हे निःशुल्क उपचार यायेमखु धायेगु तसकं गैरजिम्मेवारपूर्ण ज्या जूगु खँ धयातःगु दु ।

वक्तव्यय् थज्याःगु महामारीया इलय् सकलें नागरिकयात समान रुपं उपचार बीमाःगु दायित्वपाखें सरकारं बिसिउँ वनेफइमखु धासें विद्यमान कानुनी प्रावधानय् नं थ्व दायित्व सरकारयात लःल्हानातःगु दु धयागु खँयात ध्यानय्त याः थप आतंक सृजना यायेगु कथं याःगु विभेदकारी, गैरजिम्मेवार व जनताप्रति अनुत्तरदायी निर्णय तुरुन्त लित कायेत सरकारयात माग यानाच्वन धयातःगु दु ।

अथेहे राष्ट्रिय मानव अधिकार आयोगं नं कोभिड १९ या जटिल परिस्थितिइ संक्रमित विरामीयात निःशुल्क उपचारया व्यवस्था यायेत व सीपिनि शव व्यवस्थापन यायेगु नागरिक संविधान प्रदत्त स्वास्थ्य मन्त्री हकया सुनिश्चित यायेत सरकारयात इनाप याःगु दु। आयोगं छगू वक्तव्य पितबिसें सरकारं कात्तिक २ गते निसें कोरोना जूपिं विरामीं हे फुक्क खर्च व्यहोरे यायेमाः धकाः याःगु निर्णयय् ध्यानाकर्षण जूगु धासें संविधानया जनस्वास्थ्य सेवा एने २०७५ या दफा २ (ख)य् सरुवा रोग उपचार सम्बन्धी आधारभूत सेवा निःशुल्क रुपं चूलाइगु व्यवस्था यानातःगुलिं नागरिकया उपचारय्स रकार बिसिउँ वनेफइमखु धयातःगु दु ।

सम्बन्धित बुखँ

LEAVE YOUR COMMENTS