लक्ष्मण थारु अस्पताल भर्ना

येँ – वंगु फागुन १ गते निसें आमरण अनसन च्वनाच्वंम्ह थरुहट थारुवान राष्ट्रिय मोर्चाया संयोजक लक्ष्मण थारुया स्वास्थ्य अवस्था स्यना वनेवं अस्पताल भर्ना जुयादीगु दु । नेता थारुयात सासः ल्ह्याये थाकुया वयेवं मोर्चां म्हीग बहनी सेती प्रादेशिक अस्पताल यंकूगु खँ मोर्चाया जिल्ला संयोजक माधव थारुं जानकारी बियादीगु दु । नेता थारुयात वासः यायेगु निंतिं सेती प्रादेशिक अस्पतालया भिआईपी क्याविनय् तयातःगु दु ।

सेती प्रादेशिक अस्पतालया आकस्मिक विभागया प्रमुख डाक्टर जगदिश जोशीं नेता थारु शारिरीक रुपं तसकं कमजोर जूगु व मेगु अवस्था धाःसा सामान्य जूगु खँ धयादीगु दु । थारु नेता व सांसद रेशम चौधरी लिसे झिंछम्हेसित त्वःतेमाःगु माग यासें नेता लक्ष्मण थारु आमरण अनसन च्वंगु खः । थुकिया लिसें मोर्चां विरोध ¥याली, कोण सभा, चक्का जाम व सतक आन्दोलन याना वयाच्वंगु दु । मोर्चां वंगु फागुन १ गते झिंप्यंगू बुँदाया माग यासें आन्दोलनया घोषणा याःगु खः ।

नेता थारुया अवस्था गम्भीर जुया वनाच्वंसां नं प्रदेश सरकारं तकं चिउताः मतःगु धासें स्थानीय जनतां प्रदेश सरकारयात कयाः नं कुँखिउँगु दु । थ्वहे दथुइ नेपाः राष्ट्यि पार्टी, थारुवान, लिम्बुवान मोर्चां थारुया जीवन रक्षाया माग यासें थौं सरकारयात ज्ञापनपत्र लःल्हाइगु जूगु दु ।