श्रीलंका राजदूतपाखें चारुमति स्तुपा अवलोकन

येँ – नेपाःया निंतिं श्रीलंकाया राजदूत हिमाली अरुणातिलकां चाबहीया ऐतिहासिक चारुमति स्तुपाया अवलोकन यानादीगु दु । छुं दिं न्ह्यः जक नेपाःया निंतिं राजदूत नियुक्त जुयाः झायादीम्ह श्रीलंकन राजदूत अरुणातिलकां नेपाल भ्रमण वर्षया सन्दर्भ लाकाः धार्मिक पर्यटनया  अभिवृद्धि यायेगु उद्देश्यं स्तुपा भ्रमण, अवलोकनलिसें स्तुपा बारे जानकारी कयादीगु खः ।

नेपाःया बौद्ध अनुयायीपिं निद्वः दँ स्वयां न्ह्यःहे श्रीलंकाय् वःगु व थुकिं निगू देय्या कुटनीतिक सम्बन्धलिसें ऐतिहासिक सम्बन्ध विस्तार यायेगु ज्या उगु इलय् हे जुइधुंकूगु् राजदूत अरुणातिलकां धयादिल । उगु इलय् चारुमति बुद्धिष्ट मिसन नेपालया संस्थापक अध्यक्ष भिक्षु तपस्सीधम्मं विहारया थीथी पक्ष व विहारपाखें न्ह्याकाच्वंगु थीथी गतिविधिया बारे जानकारी बियाबिज्याःगु खः । करिब २३०० दँ पुलांगु धयातःगु थुगु चैत्य बौद्ध सम्पदातमध्ये महत्वपूर्ण सम्पदाकथं कायेगु यानातःगु दु ।

सम्बन्धित बुखँ

LEAVE YOUR COMMENTS