अगिंमथःया ११ क्वःगु दँमुँज्या

येँ- अगिंमथः बचत तथा ऋण सहकारी संस्था लि.या ११ क्वःगु वार्षिक साधारणसभा वंगु शनिवाः खुसिबुँस्थित नेवाः किन्डरगार्टेनय् जुल । ज्याझ्वलय् उत्कृष्ट बचतकर्ता व उत्कृष्ट ऋणीयात सम्मान नं याःगु खः ।
ज्याझ्वलय् संस्थाया वार्षिक प्रतिवेदन नापं भावी नीति संस्थाया अध्यक्ष राजेन्द्र महर्जन, लेखा समितिया प्रतिवेदन रविन महर्जन व आर्थिक प्रतिवेदन कोषाध्यक्ष रमेश महर्जनं न्ह्यब्वयादीगु ज्याझ्वलय् उत्कृष्ट बचतकर्ता मय्जु पूर्णशोभा महर्जन व उत्कृष्ट ऋणी अष्ट महर्जनयात संस्थाया जेष्ठ सदस्यपिं तुल्सी महर्जन व शेरबहादुर महर्जनं दोसलां न्ययेकाः विशेष सम्मान याःगु खः ।
ज्याझ्वलय् नवासें उत्कृष्ट ऋणीं सम्मानित जुयादीम्ह अष्ट महर्जनं थम्हं न्हापां १२,०००÷– तकां दामं फर्निचरया ज्यासः शुरु यानागु धासें थुगु ज्यासः न्ह्याकेत यक्वथाय् ताकेता यानाः नं सुनांनं ऋण उपलब्ध मयाकूगु तर थुगु संस्था थःत विश्वास यानाः धाःगु व माःगु इलय् सुलभ व सरल तरिकां ऋण उपलब्ध याःगुलिं थम्हं फर्निचर ज्यासः बांलाक संचालन याये फुगु जक मखसे थौं लाय् अप्वयेकाः भिंmनिथाय् शाखातकं चायेकेत ताःलाःगु खँ कनादिल ।
अथे हे उत्कृष्ट बचतकर्ता पूर्णशोभा महर्जनं थन आपालं सहकारी संस्थात दुसां नं थःत थुगु संस्था विश्वासयाःगु व थम्हं नं बांलाक म्हसिउपिं दुगु जुयाः फुकथं निगःप्यंगः ध्यबा बचत यानाः थःत माःमाःबलय् लिकायेगु यानाच्वनागु व थुकिं यानाः थःगु घरेलु उद्योग सञ्चालन यायेत तसकं अःपुयाच्वंगु धयादिल ।
ज्याझ्वः संस्था अध्यक्ष राजेन्द्र महर्जनया सभापतित्वय् न्ह्याःगु खः ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन