विद्यार्थीतय्त ख्वप नपाया शैक्षिक त्यासा

ख्वप – ख्वप नगरपालिकां थुगु दँय् शैक्षिक प्रमाणपत्र ब¥हः तयाः ९१ म्ह विद्यार्थीयात शैक्षिक त्यासा बीगु जूगु दु । ध्यबा मदयाः ब्वने मखंपिं नगर दुनेया गरिब व जेहेन्दार विद्यार्थीयात उच्च शिक्षा ब्वनेत ग्वाहालि कथं शैक्षिक त्यासा बीत्यनागु खँ ख्वप नगरपालिकां धाःगु दु । नपां ६ प्रतिशत ब्याजय् न्यागू लाख तका तक त्यासा बीगु खँ नं धाःगु दु ।

ख्वप नगरपालिकां वंगु आर्थिक दँय् उच्च शिक्षा ब्वनीपिं ३७ म्ह विद्यार्थीयात शैक्षिक त्यासा बिउगु खःसा थुुुगु दँय् ९१ म्हेसित त्यासा बीगु तयारी यानाच्वंगु खँ ख्वप नगरपालिकां धाःगु दु । नगरपालिकां बीगु ध्यबा विद्यार्थीयात तप्यंक मबिसे विद्यार्थीं अध्ययन याइगु सम्बन्धित शैक्षिक संस्थायात पुलेगु खँ धाःगु दु । उच्च शिक्षा ब्वने मंदुपिं विद्यार्थीतय्सं थःगु शैक्षिक सर्टिफिकेट ब¥हः तयाः थःगु विषय कथं माःगु त्यासा कायेफइ ।