इराकय् भ्रष्टाचार विरोधी प्रदर्शनी जारी

बग्दाद÷इराकय् न्ह्यानाच्वंगु भ्रष्टाचार विरोधी प्रदर्शन जारी हे जुयाच्वंगु दु । प्रदर्शन जारी जुयाच्वंगु अवस्थाय् लिपांगु इलय् जूगु झडपय् लानाः १५ म्ह सीगु दु । भ्रष्टाचार विरोधी प्रदर्शनया झ्वलय् लिपांगु इलय् सुरक्षाकर्मि व प्रदर्शनकारी दथुइ जूगु ल्वापुइ सछि स्वयां अप्वः घाःपाः जूगु संचारमाध्यमं न्ह्यथंगु दु ।

इराकया दक्षिणय्् लाःगु धिकार प्रान्तय् उगु घटना जूगु संचारमाध्यमं न्ह्यथंगु दुसा छम्ह स्वास्थ्यकर्मिया कथं लिपांगु विवरणकथं ल्वापुइ १५ म्ह सीगु व सछिं मल्याक घाःपाः जूगु दु । आपालं टियर ग्यास नं प्रहार जूगु उम्ह स्वास्थ्यकर्मिं थःगु नां सार्वजनिक मयायेगु शर्तय् संचारमाध्यमयात जानकारी बिउगु दु ।

प्रदर्शन अनियन्त्रित जुया वनेवं धिकार प्रान्तया प्रहरी प्रमुख मोहम्मद अल कुरैशीं पदं राजीनामा तकं बिउगु दुसा प्रान्तया गभर्नर अदेल अल डुखैलीं नासिरियाह सहरय् जूगु मानवीय क्षतियात कयाः पदं राजीनामा बिउगु दु । वंगु अक्टोबरनिसें शुरु जूगु भ्रष्टाचार विरुद्धया थ्व प्रदर्शनय् राजधानी बग्दादलिसें मेमेगु नं आपालं सहरय् न्यना वनाचवंगु दु ।

अथे हे प्रदर्शनया झ्वलय् आपालं घटनात नं जुयाच्वंगु दु । प्रदर्शनकारीतय्सं थःपिनिगु प्रदर्शन तच्वया वनेवं लिपांगु इलय् वयाः प्रधानमन्त्रीया तकं राजीनमा फ्वना हःगु दुसा देशय् राजनीतिक अस्थिरता अप्वया वंगु दु ।

सम्बन्धित बुखँ

LEAVE YOUR COMMENTS