अबुया बारे परिवारय् भ्रम

सुं नं मिसां थः सन्तानयात वया अबुयाबारे छेँजःपिंत भ्रमय् तयेगु दुस्साहस याइमखु । न्ह्याम्हं मिसाया इच्छा छेँजःपिं नाप हे च्वनेगु जुइ । तर बेलायतया छम्ह मिसां ताःईतक हे थः सन्तानया अबुया बारे छेँजःयात हे भमय् तःगु दु । व नं निदँ प्यदँ मखु मुक्कं निगू दशक स्वयां नं अप्वः ।

थन तक कि उम्ह मिसां थः सन्तानया अबुया बारे छेँजःयात जक मखु, वया मस्तय्त तकं अबुया बारे भ्रमय् तयातःगु खः । केट नांया मिसां थः स्वम्ह सन्तानयात इमि अबुया पहिचानपाखें तापाक हे तयातःगु खः । रिचर्ड मेसन नांया छम्ह व्यवसायीलिसे इहिपा याःम्ह केटं स्वम्ह सन्तानयात जन्म बिउगु खः ।

रिचर्डं नं इपिं स्वम्हं सन्तान थम्ह हे जूगु तायेका वयाच्वंगु खः । तर २१ दँ तक थः पूर्वकलातं गम्भिर धोका बिउगु रहस्य हालय् पिहां वःगु खः । रिचर्डं केटयात पारपाचुके धुंकाः वं निगूगु इहिपा याःगु खः । निम्हम्ह कलाःपाखें नं सन्तान सुख प्राप्त मजुइवं रिचर्ड अस्पतालय् स्वास्थ्य परीक्षण याकेत वन ।

अन चिकित्सकं वयात ‘अबु जुइगु क्षमता मदुगु’ धाल । रिचर्डयाके मचांनिसें हे अबु जुइगु क्षमताया विकास मजूगु चिकित्सकतय् धापू दु ।
वयां लिपा जक रिचर्डं थः न्हापांम्ह कलाःपाखें दुपिं स्वम्ह मस्त नं थःपाखें दुगु मखु धयागु खँ पत्ता लगे याःगु खः । थुलितक कि रिचर्ड थः पुलांम्ह कलाःपाखें दुपिं निम्ह मस्तय् डीएनए परीक्षण याकूगु खःसा इपिं निम्हं थः सन्तान मदु धइगु सीकूगु खः ।

स्वम्हम्ह कायं धाःसा ‘जिम्ह अबु छि हे खः’ धइगु सन्देश छ्वयाः डीएनए परीक्षण यायेत अस्वीकार याःगु रिचर्डया धापू दु ।उखे रिचर्डया पुलांम्ह कलातं नं वयागु न्ह्यःने थम्हं धोखा बियागु स्वीकार याःसां स्वम्ह सन्तानया अबुया बारे धाःसा छुं नं जानकारी मबिउ ।

 

सम्बन्धित बुखँ

LEAVE YOUR COMMENTS