श्रीलंकाय् संकटकालया घोषणा स्वीकृती

एजेन्सी- श्रीलंकाया संसदं राष्ट्रपति गोताबाया राजापक्षं घोषणा याःगु संकटकालयात स्वीकृति बिउगु दु । श्रीलंकाया सरकारं खाद्यान्न आपूर्तिया कृतिम अभाव व खाद्यान्नया भाःयात नियन्त्रणय् कायेत संकटकालया घोषणा याःगु खः । विपक्षी सांसदतय्सं थ्व समस्याया निंतिं संकटकाल तयेम्वाःगु, संकटकाल तल धाःसा माःमाःगु आपूर्तिया निंतिं मेगु कानून मालीगु व संकटकालया गलत फाइदा काइ धकाः धाःगु खःसां सरकारं बजाःभाः नियन्त्रण व कृत्रिम अभावयात पनेत संकटकाल तयेमाः धाःगु खः ।

श्रीलंकाय् चिनी, दुरु, ग्यास थेंज्याःगु मजिमगाःगु ज्वलंया अभाव जुयाच्वंगु दु । संकटकाल तयेधुकाः आः श्रीलंकाया प्रहरीं पक्राउ पुर्जी हे म्वायेक मनूतय्त ज्वनेगु, सम्पत्ति जफत यायेगु, मनूतय्गु छेँय् वनाः खानतलासी यायेगु व कानून हिलेगु तकया ज्या यायेफइ ।

राष्ट्रपति गोताबाया राजपाक्षं वंगु अगस्ट ३० तारिखय् संकटकालया घोषणा याःगु खःसा मंगलवाः संसदया बहुमतं स्वीकृति बिउगु खः । श्रीलंकाया संविधानकथं संकटकालया घोषणा जूगु १४ न्हुया दुने संसदय् पारित जुइमाः ।

सम्बन्धित बुखँ

LEAVE YOUR COMMENTS