इजरायलय् नं न्हूदँ, म्हपुजालिसें संस्था वार्षिकोत्सव

येँ – इजरालय् नं अन च्वंपिं नेवाःतय्सं स्वन्ति नखः, नेपाल संवत् ११४० न्हूदँया भिंतुना कालबिल, म्हपुजालिसें संस्थाया गुक्वःगु वार्षिकोत्सवया ज्याझ्वः तःजिक याःगु दु । इजरायलय् च्वनाच्वंपिं नेवाःतय् संस्था राष्ट्रिय नेवाः खलः इजरायलया ग्वसालय् नेपाःया मौलिक नखःया लसताय् उगु ज्याझ्वः याःगु खः ।

नोभेम्बर १ तारिखकुन्हु सनिलय् तेल अभिवय् खलःया नायः मनु श्रेष्ठया अध्यक्षताय् जूगु ज्याझ्वलय् इजरायलया निंतिं नेपाःया राजदूत मय्जु अन्जान शाक्य मूपाहांकथं झायादीगु खः ।

ज्याझ्वलय् विशिष्ट पाहांकथं नेपाल आदिवासी जनजाति महासंघ इजरायलया नायः तारा काउचा मगर, गैरआवासीय नेपाल संघ ल्च्ल्ब् ल्अअ इजरालया नायः शान्ता अधिकारी ज्ञवाली लगायत थीथी संघसंस्थाया नायः लगायत प्रतिनिधि नापं इजरायलय् च्वनाच्वंपिं आपालं नेपाःमिपिनिगु उपस्थिति दुगु खः ।

ज्याझ्वःया सभानायः, मूपाहां, विशेष पाहांपिंसं मंकाःकथं त्वाःदेवाय् मत च्याकाः उलेज्या यानादीगु ज्याझ्वलय् संस्थाया वरिष्ठ न्वकु सुनिता श्रेष्ठं लसकुस यानादीगु खः । अथे हे मूपाहां राजदूत शाक्य, विशेष पाहां काउचा मगर, ज्ञवाली लगायतं नं भिंतुना न्वचु बियादीगु खः ।

सम्बन्धित बुखँ

LEAVE YOUR COMMENTS