राष्ट्रपति व उप– राष्ट्रपति निर्वाचन जुइगु

येँ -निर्वाचन आयोगं राष्ट्रपति व उपराष्ट्रपतिया निर्वाचन यायेगु बारे राजनीतिक दलत लिसे परामशं याःगु दु । निर्वाचन आयोगं फागुन २१ गते राष्ट्रपति व चैत्र २ गते उपराष्ट्रपतिया निर्वाचन यायेगु बारे सहलह ब्याकूगु खः । निर्वाचन आयोगया उगु प्रस्तावयात राजनीतिक दलतय्सं समर्थन याःगु व सरकारलिसें सहलह यानाः निर्वाचनया तिथि क्वःछीगु आयोगया सहसचिव लिसें प्रवक्ता नवराज ढकालं कनादीगु दु । सहलहया झ्वलय् फुक्कं राष्ट्रिय पार्टीं ब्वति काःगु खः ।