श्रमजीवी पत्रकारतय् निंतिं निर्णायक आन्दोलन

येँ – नेपाल पत्रकार महासंघ श्रमजीवी पत्रकारतय् हकहितया व अधिकारया निंतिं वृहत् संचार आन्दोलन याइगु जूगु दु । महासंघं फुक्कं संचारगृहय् ज्या यानाच्वंपिं पत्रकार, कर्मचारी व ज्यामितय् ल्हातय् अनिवार्य रुपं नियुक्ति पत्र, नियमित न्यूनतम पारिश्रमिक व श्रमजीवी पत्रकार ऐन पूर्ण कार्यान्वयाया निंतिं निर्णायक आन्दोलन यायेगु खँ धाःगु दु ।

थ्व ज्याया निंतिं महासंघया केन्द्र, प्रदेश व फुक्कं शाखाया नेतृत्वय् थःथःगु थासं दबाब अभियानया नेतृत्व याइ । केन्द्रया आह्वान व श्रमजीवी पत्रकार हकहित प्रवद्र्धन समितिया योजनाय् महासंघं केन्द्र, प्रदेश व जिल्ला लिसें प्रतिष्ठान शाखा, एशोसियट संस्थापाखें संचारगृहय् चरणवद्ध अनुगमन व ऐन कार्यान्वयन मयाःथाय् आन्दोलन यायेगु कथं कार्यक्रम क्वःछिनागु खँ महासचिव रमेश विष्टं धयादीगु दु ।

अथेहे प्रेस स्वतन्त्रता पत्रकारया सुरक्षा, श्रमजीवी पत्रकार ऐन कार्यान्वयन, पत्रकार आचारसंहिता पालना व पत्रकार महासंघया सदस्यता शुद्धिकरण व सुदृढीकरणया निंतिं महासंघया अध्यक्षया नेतृत्वय् वइगु माघ महिनाय् न्हय्गुलिं प्रदेशय् विशेष केन्द्रीय अभियान नं न्ह्याकीगु जूगु दु ।

श्रमजीवी पत्रकार ऐन २०५१ कथं नियुक्ति, पारिश्रमिक लगायत सेवा सुविधा श्रमजीवी पत्रकारया अधिकारया रुपय् उपलब्ध यायेमाःगु माग सहित थीथी इलय् महासंघं संघर्ष याना वयाच्वंगु दु ।

महासंघया नकतिनि क्वचाःगु केन्द्रीय समितिया बैठकं्र राज्यया संघ, प्रदेश व स्थानीय तहं निर्माण याःगु, संसदय् न्ह्यब्वयेधुंकूगु व मस्यौदा जुयाच्वंगु संचार सम्बन्धी व मेमेगु छुं नं कानुनय् प्रेस व अभिव्यक्ति स्वतन्त्रतायात नियन्त्रण यायेगु, खुम्चे यायेगु वा छुं नं कथं अवरोध याइगु कथंया प्रावधान तल धाःसा उकियात अस्वीकार यानाः प्रेस व अभिव्यक्ति स्वतन्त्रता मैत्री कानुन व संरचना निर्माणया पक्षय् पहल यायेगु नं क्वःछिउगु दु ।

सम्बन्धित बुखँ

LEAVE YOUR COMMENTS