लुँ तोलां ६९,५०० तका

येँ – लुँया भाः थहां वनेगु क्रम जारी जुयाच्वंगु दु । म्हिगः छापालावा लुँ प्रतितोलां झिंन्यासः तका थहां वनाः हाकनं मेगु न्हूगु रेकर्ड कायम याःगु दु । मंगवाः तक तोलां ६८००० तकां कारोबार जुयाच्वंगु लुँ म्हिगः ६९५०० तका थ्यंगु खः ।

नेपाल सुनचाँदी व्यवसायी महासंघया कथं वहः नं झिंन्यातका थहां वनाः तोलां ८१० तका थ्यंगु दु । वंगु शुक्रवाःनिसें निरन्तर रुपं लुँया भाः थहां वनेगु क्रम शुरु जूगु खः । लुँया भाः थहां वनाच्वंगुलिं बजारय् लुँ न्याइपिं शुन्य जुयाच्वंगु दुसा मीपिं धाःसा अप्वया वनाच्वंगु खँ लुँ व्यापारीतय्सं धाःगु दु । थुकिं यानाः लुँवहः व्यवसाय प्रभावित जुयाच्वंगु खँ धाःगु दु ।

सम्बन्धित बुखँ

LEAVE YOUR COMMENTS