स्वच्छिक अवकाशया ज्या दित

येँ – सरकारं केन्द्र, प्रदेश व स्थानीय तहलय् समायोजनय् मवंनीपिं कर्मचारीया निंतिं हःगु स्वेच्छिक अवकाश प्रक्रिया दिकाबिउगु दु ।

स्वेच्छिक अवकाश प्रक्रिया बारे च्वय्या तहलं गुगु नं कथंया निर्देशन मवःगुलिं राके जूगु खँ संघीय मामिला व सामान्य प्रशासन मन्त्रालयया स्वेच्छिक इकाइया प्रमुख धर्मराज रोकायं जानकारी बियादीगु दु । वय्कःया कथं अवकाश प्रक्रिया कथं निवेदन बिउपिं कर्मचारीया नां वंगु चैत १३ गते अनलाइनपाखें सार्वजनिक यायेमाःगु कार्यतालिका दुगु खः ।

वय्कलं धयादी, ‘जिमिसं अवकाशया निंतिं निवेदन बिउपिं फुकसिया विवरण संकलन यानाः मन्त्रालयया वेबसाइटय् तयाः सार्वजनिक यायेगु तयारी यानागु खः, तर प्रक्रिया बारे च्वय्या निकायं छुं निर्णय मवःगुलिं दिनाच्वंगुु दु ।’ नेपाली कांग्रेसया सभापति शेरबहादुर देउवा प्रधानमन्त्री जुयाच्वंगु इलय् स्वेच्छिक अवकाश योजना हःगु खःसा आःया सरकारं स्वेच्छिक अवकाश बीबलय् देय्यात आर्थिक ब्ययभार अप्वइगु धासें पनाबिउगु खः ।

सम्बन्धित बुखँ

LEAVE YOUR COMMENTS