येँया ततःधंगु मरिपसः हे गुणस्तरहीन

येँ – येँय् चले जुयाच्वंगु ततःधंगु लोकंह्वाःगु मरिपसलय् दयेकीगु मरि हे गुणस्तरहीन जूगु लुइकूगु दु । महानगरपालिकाया कृषि तथा पशु सेवा वि भागं याःगु अनुगमनय् येँया गुलाब, बाग्मति थेंज्याःगु तःधंगु मरि पसलय् मियातःगु मरि हे गुणस्तरहीन लुइकूगु खः । अनुगमनया झ्वलय् मरि दयेकीगु थाय् फोहर जूगु, मरि दयेकीगु ज्वलं गुणस्तरहीन जूगु लुइकूगु खः ।

अनुगमनया इलय् सुन्धाराय् च्वंगु गुलाब मरि पसलं २६ किलो व बागमति स्वीटपाखें १० किलो मरि जफत यानाः नस्ट याःगु खः । अथेहे मरिइ बिलि लुयावयेवं १६० गू मरि नं नष्ट यानागु खँ अनुगमन पुचलं धाःगु दु ।

जनस्वास्थ्यय् गम्भीर लिच्वः लाकीगु नसाज्वलंया उत्पादन व विक्रीइ नियमित निगरानी तयेगु झ्वलय् थ्व अनुगमन जूगु खँ विभागया प्रमुख हरिबहादुर भण्डारीं धयादीगु दु ।