ने. सं. ११४६ अनलाथ्व नवमी -

सः छगूया ११ औं श्रृंखला क्वचाल

यल – सः छगू फरक अभिव्यक्तिया झिंछक्वःगु श्रृंखला वंगु शनिवाः जुल । लाःया न्हापांगु शनिवाःपतिकं स्वम्ह बाखं च्वमियात ब्वनाः न्ह्याका वयाच्वंगु थुगु ज्याझ्वलय् थुगुसी नेपालभाषाया नांजाःम्ह जासुसी उपन्यासकार राज साय्मि, बाखंच्वमि महेमान डंगोल ‘लँजुवा’ व सुनील वज्राचार्यं थःथःगु बाखं न्यंकादीगु खः ।

सः छगू फरक अभिव्यक्तिया सुधीर ख्वबिं स्वांमाः क्वखायेकाः लसकुस यानादीगु ज्याझ्वलय् स्वम्हं च्वमिपिंसं म्हतिं न्यापु न्यापु चिबाखं ब्वनाः न्यंकादीगु खः । ज्याझ्वलय् ब्वनाः न्यंकूगु चिबाखंयात कयाः साहित्यकार केदार ‘सितुं’ समीक्षात्मक टिप्पणी यानादीगु खः ।

बाखं ब्वनादीपिं व बाखं न्यनेत वःपिंमध्ये छम्हेसिा गोलाप्रथाकथं रेणु श्रेष्ठयात संस्थाया सुधीर ख्वबिं मतिनाया चिं लःल्हानादिल । ज्याझ्वलय् मोक्षबहादुर अमात्यं स्वम्हं बाखं ब्वमियात खादा क्वखायेकाः नगद लःल्हानादीगु खः ।