छवाःयंकंया जोखिम न्यूनीकरण दिवस

ख्वप – जिल्ला विपद व्यवस्थापन समितिया ग्वसालय् अन्तर्राष्ट्रिय विपद् जोखिम न्यूनीकरण दिवसया लसताय् छगू ¥याली पिदन ।
समितिया ग्वसालय् जिल्ला समवन्य समिति व गैरसरकारी संस्था महासंघ नेपाल ख्वप जिल्ला शाखाया व्यवस्थापनय् उगु ¥याली पिदंगु खः । छवांयंकं थीथी ज्याझ्वःयासें दिवस हनेगु झ्वलय् न्हापांगु न्हि ¥याली पिदंगु खः ।

विपदपाखें थः नं बचे जुइगु व मेपिंत नं बचे यायेगु निंतिं जनचेतना ब्वलंकेगु ल्याखं छवाःयंकंया दिवस हनेगु झ्वलय् न्हापांगु दिं थनया तःमधिं न्ह्याःगु ¥याली सुकूध्वाखा, दत्तात्रय जुयाः कमल विनायकय् थ्यंकाः सभाय् हिउगु खः । सभायात संबोधन यासें पुलांम्ह मन्त्री लिसें संघीय संसदया दुजः महेश बस्नेतं जिल्लाय् विपद जोखिम दुगु खँ कुलादिसें प्यंगुलिं नगरपालिकां विपद् न्यूनीकरणया निंतिं आवश्यक ज्याझ्वः न्ह्याकेमाःगु खँय् बः बियादिल ।

प्रमुख जिल्ला अधिकारी नारायणप्रसाद भट्टं विपदपाखें जिल्लावासीयात सुरक्षित यायेत व्यवस्थापनया तयारी पर्याप्त दुगुलिं अज्याःगु इलय् तत्काल उद्धार व रोकथाम याये फइगु अवस्थाय् थ्यने धुंकूगु जानकारी बियादिल ।

गैसस ख्वपया अध्यक्ष सोम शर्मा बजगाइँ नं विपदपाखें बचे जुइत व मेपिंत बचे यायेत दक्वं निकाय उतिकं क्रियाशील दुगु धयादिल ।
छवाःयंकंया दिवसया झ्वलय् विपद् व्यवस्थापन बारे कृत्रिम अभ्यास, विपद् व्यवस्थापन क्षमता विकास तालिम, अन्तरक्र्रिया, विपद् व्यवस्थाप सम्बन्धी प्रचार सामग्री निर्माण, प्रदर्शनी, भिडियो संवाद लगायत थीथी ज्याझ्वः याइगु जूगु दु ।