बसन्तपुली चीर थन, थनिंनिसें होली सुरु (फोटाफिचर)

येँ – थौं चिल्लाथ्व अष्टमी कुन्हु साइत कथं न्हिनय् ११ः५३ य् बसन्तपुली चीर स्वाःगु दु । बसन्तपुली चीर थनेवं च्यान्हुयंकंया होली पर्व नं सुरु जूगु दु ।

३२ फिट तजाःगु पँथय् रंगीविरंगी कापः यखायातःगु स्वतँया चाकः तयाः चीर थंगु खः । चीर थनेगु ज्या परम्परां निसें धालासिक्वया साय्मितय्सं याना वयाच्वंगु खः । थ्व हे झ्वलय् धालासिक्व मानन्धर सनाः गुथिपाखें चीर थंगु खः ।

चीर थनेवं गुर्जुया पल्टनपाखें तोप तयाः सलामी बिउगु खः । थ्व चीर आः वइगु होली पुन्हि कुन्हु बहनी क्वःथली । थुगुसी चिर क्वथयेगु साइट ८ः०३ बजे तयातःगु दु ।

सम्बन्धित बुखँ

LEAVE YOUR COMMENTS