परदेश यात्राय् माधवनारायण (फाेटाेफिचर)

सक्वया नारीखुसिइ लछियंक न्ह्यानाच्वंगु माधव नारायण मेला व स्वस्थानी व्रतया झ्वलय् माधवनारायण व स्वस्थानी व्रत च्वनाच्वंपिं व्रतालुपिनि बिहिवाः निसें परदेश यात्रा सुरु जुल । थ्व झ्वलय् बिहिवाः पशुपति जुयाः फम्पि थेंपिं व्रतालु शुक्रवाः फम्पिया शेषनारायण, गोपालेश्वर दर्शन लिपा बुंगः, नखिपोट, शंखमुल जुयाः हाकनं सक्वय् हे लिहां वंगु दु ।
फम्पिं शंखमुल वनेगु झ्वलय् माधवनारायण यात्राया छुं छुं किपा

गोपालेश्वरय् माधवनारायण ।

माधवनारायणया दर्शन यानाच्वंपिं श्रद्धालु ।

स्वस्थानीया व्रत च्वनाच्वंपिं व्रतालुत परदेश यात्राया झ्वलय् फम्पिं शंखमुल पाखे वनाच्वंगु ।

स्वस्थानी धलं दनाच्वंम्ह निदँत्या दुम्ह धलंमचा परदेश यात्राया झ्वलय् ।

यलया लोहाचोकया फल्चा माधवनारायणयात विश्राम याकातःगु ।

शंखमुलय् व्रतालुपिंत दक्षिणा तयाच्वंपिं श्रद्धालुपिं । थुगुसी कोरोना महामारीया कारणं व्रतालुपिंत तप्यंक छुं नं दानदक्षिण बीके मबिसे झोलाय् तयेके बीगु याःगु खः । परदेश यात्राय् वःपिं व्रतालुतयत शंखमूलय् पालं याकी ।

सम्बन्धित बुखँ

LEAVE YOUR COMMENTS