तःमुँज्याया निंतिं ग्वसाः खलः नीस्वन

ख्वप – स्वीगुक्वःगु नेपालभाषा साहित्य तःमुँज्या ताःलाकेत ग्वसाः खलः नीस्वंगु दु। छुं दिं न्ह्यः च्वंगु मुँज्यां तःमुँज्या ताःलाकेत स्वीगुम्हेसिया ग्वसाः खलः नीस्वंगु खः ।

दँय्दसं मोहनिया झ्वलय् जुइगु तःमुँज्याया निंतिं श्यामसुन्दर मातांया अध्यक्षताय् स्वीगुम्ह दुजः दुथ्याःगु ग्वसाः खलः नीस्वंगु खः । दँय्दसं मोहनिया झ्वलय् थन कौलाथ्व द्वादशि व त्रयोदशि निन्हुयंकं नेपालभाषा साहित्य तःमुँज्या यायेगु याना वयाच्वंगु दु। थुगुसी तःमुँज्या नःपुखू लागाय् यायेगु नं क्वःछिउगु दु ।

ज्याझ्वलय् नवासें नेपाल मजदुर किसान पार्टीया नायः नारायणमान बिजुक्छेँ रोहितं साहित्य व संस्कृतिइ न्ह्यःने वनेगु खःसा जनस्तरं हे जनताया भावनायात थुइकाः उकथं हे ज्या यानाच्वनेमाः धयादिल ।

तःमुँज्या छ्याञ्जेनापं प्रदेश नं. ३ या सांसद सुरेन्द्रराज गोसाइ, नेपालभाषा साहितय तःमुँज्या मू गुथिया नायः चन्द्रबहादुर उलक, स्थानीय समाजसेवाी रविन्द्र ज्याख्व लगायतं तःमुँज्या ताःलाकेया निंतिं थीथीकथं ग्वाहालि यानादीत नं इनाप यानादिल ।

सम्बन्धित बुखँ

LEAVE YOUR COMMENTS