झिंखुला लिपा पिएसजी पराजित

पेरिस सेन्ट जर्मन (पिएसजी) झिंखुला लिपा न्हापांगुखुसी फ्रेञ्च लिगय् पराजित जूगु दु । ब्राजियन सुपरस्टार नेयमार म्हिता वयाच्वंगु डिफेन्डिङ च्याम्पियन पिएसजीयात म्हिगः रेइम्सं २–० गोलं बुकूगु खः । थ्वयां न्ह्यव पिएसजी घरेलु लिगय् वंगु मे २०१८ निसें अपराजित जुयाच्वंगु टिम खः । वंगु वालय् जक च्याम्पियन्स लिगय् पिएसजीं रियल म्याड्रिडयात ३–० गोलं बुकूगु खः ।

रेइम्सया विजयया निंतिं हासाने कामारां न्हापांगु हाफय् हेड गोल याःगु खः । कासाया इन्जुरी इलय् बोउलाए डियां बाइसाइकल किक पाखें गोल यासें २–० गोलं विजय चूलाकाबिउगु खः । थ्व कासाय् पराजय जूसां पिएसजीं लिगया शीर्ष थासय् दु । न्हय्गू कासा लिपा पिएसजीया १५ ल्याः दु ।

मेखे स्पेनिस लिगय् रियल म्याड्रिडं ओसासुनायात २–० गोलं बुकूसें शीर्षस्थानय् थहां वंगु दु । थुगु सिजनया खुगू कासा म्हितेधुंकूगु रियल आःतक पराजित जूगु मदुनिसा १४ अंक कयाः शीर्षस्थानय् दु ।म्हिगःया कासाय् म्यानेजर जिनेदान जिदानें गारेथ बेल लिसें न्हापांगु सेटया छुं कासामितय्त आराम याके बिउगु खः । रियलया निंतिं भिनिसिउस जुनियरं थःगु न्हापांगु गोल यासें अग्रता बिउगु खः । थप छगू गोल राड्रेगों याःगु खः ।

सम्बन्धित बुखँ

LEAVE YOUR COMMENTS