प्रिमियर लिगय् सलाहया सछिगू गोल

एजेन्सी- इंग्लिस प्रिमियर लिगय् लिभरपुलया कासामि मोहमद सलाहं सछिगू गोल याःगु दु । आइतवाः लिड्स युनाइटेडलिसे जूगु कासाय् इजिप्टया स्टार कासामि सलाहं प्रिमियर लिगय् थःगु सछिगूगु गोल याःगु खः । कासाय् लिड्स युनाइटेडयात लिभरपुलं ३–० गोलं बुकूगु खः ।

कासाया २० औं मिनेटय् लिभरपुलया निंतिं गोलं यानाः सलाहं प्रिमियर लिगय् व्यक्तिगत सछिगू गोल पूवंकूगु खः । कासा त्याकेगु झ्वलय् लिभरपुलया निंतिं फाबिन्हो व मानें छगू छगू गोल याःगु खः । लिभरपुल आः ल्याःधलखय् स्वंगूगु थासय् दु ।

प्रिमियर लिगय् सछिगू गोल याःम्ह सलाहं लिभरपुलपाखें जक ९८ गोल याःगु खः । अथे हे निगू गोल चेल्सीपाखें याःगु खः ।

सम्बन्धित बुखँ

LEAVE YOUR COMMENTS