मोहनि व बजाः अनुगमनयात कयाः अन्तक्र्रिया

येँ – संचार केन्द्र नेपालं न्ह्यःने वयाच्वंगु मोहनि व बजाः अनुगमनया विषययात कयाः अन्तक्र्रिया याःगु दु । केन्द्रया थःगु हे ज्याकू अनामनगरय् वंगु बुधवाः उगु अन्तक्र्रिया याःगु खः । अन्तक्र्रिया ज्याझ्वलय् येँया प्रमुख जिल्ला अधिकारी जनकराज दाहालं ज्या यानाः नयेमाः, सितिकं नयेम मजिउ धइगु भावना ब्वलंके फत धाःसा उकिं हे बजाःया सही अनुगमन जुइगु विचाः प्वंकादिल ।

यदि राज्य थः हे सही रुपं बजाः अनुगमनय न्ह्यचिल धाःसा सुनानं छुं यायेगु अवस्था मवइगु वय्क लं धयादिल । वाणिज्य, आपूर्ति तथा उपभोक्ता हकहित संरक्षण विभागया प्रमुख योगेन्द्रकुमार गौचनं उपभोक्ता संरक्षण ऐन २०७५ लागू जुइधुंकूसां नं उकियात लागू यायेत आवश्यकथंया नियमावली मदुगुलिं थःपिं अलमल जुयाच्वंगु धयादिल ।

अथेखःसां जनशक्ति थप यानाः जूसां नं बजाः अनुगमन व नियन्त्रणया ज्याय् थःपिं न्ह्यचिला च्वनागु वय्कलं जानकारी बियादिल । उगु अन्तक्र्रिया ज्याझ्वलय् प्रधान मन्त्रीलिसें मन्त्रिपरिषद् ज्याकूया प्रवक्ता यामलाल भुसाल, साल्ट ट्रेडिङ कर्पोरेसन लिमिटेडया महाप्रबन्धक कुमार राजभण्डारी, वरिष्ठ प्रहरी उपरीक्षक शैलेश थापा, उपभोक्ता आयोगया रोजन खनाल, उपभोक्तावादी नेता माधव तिमिल्सिना, संचार केन्द्रया अध्यक्ष गोविन्द चौलागाइँ लगायतं नं नुगःखँ तयादीगु खः ।

सम्बन्धित बुखँ

LEAVE YOUR COMMENTS