देन्यंकं एसईई परीक्षा सुरु

येँ – थनिंनिसें देन्यंकं एसईई परीक्षा सुरु जूगु दु । परीक्षा नियन्त्रण कार्यालयया कथं देय्न्यंकं यानाः ४ लाख ८५ हजार ५८६ म्हेसिनं एसईई परीक्षा बियाच्वंगु दु । थुकी मध्ये नियमितपाखे ४ लाख ६१ हजार ५१५ म्ह दुसा एक्जाम्टेडपाखे २४ हजार ७१ म्ह दु ।
थौं सुथय् ८ बजे निसें सुरु जूगु परीक्षा ११ बजे तक न्ह्याइ । परीक्षाया निंतिं ७७ गू जिल्लाय् १९५६ गू केन्द्र तोके यानातःगु दु ।
मेखे परीक्षा नियन्त्रण कार्यालयं काइगु एसईई परीक्षा थ्व हे अन्तिम जुइगु जुयाच्वंगु दु । आकिवं निसें प्रदेशपाखें हे एसईई परीक्षा काइ ।
थ्वया लिसें थुगुसीया परीक्षा परीक्षार्थीतय् निंतिं न्हूढंगं नं संचालन जूगु दु । थ्व पालय् गणित विषय बाहेक मेगु फुक्कलिसनं प्रयोगात्मक परीक्षा बीमाः । अथेहे थुगुसी एसईई उत्तीर्ण जूपिं कक्षा ११य् न्हूगु पाठ्यक्रम नं ब्वनेखनीगु जूगु दु । सरकारं वइगु दँ निसें कक्षा ११या निंतिं न्हूगु पाठ्यक्रम तयार यायेधुंकूगु दु ।