फुक्कं सवारी पास रद्द, जेठ ३ गते निसें लागू जुइगु

येँ – सरकारं लकडाउनया इलय् गाडी चले यायेगु निंतिं बियातःगु फुक्कं सवारी पास रद्द यायेगु निर्णय याःग दु ।

गृह मन्त्रालयं जेठ ३ गते निसें लागू जुइ कथं न्हापा जारी यानातःगु फुक्कं सवारी पास रद्द यायेगु खँ धाःगु दु । थौं निसें छगू जिल्लां मेगू जिल्लाय् वनेगु पास रद्द याःगु गृह मन्त्रालयं आः जिल्ला दुनेया सवारी पस नं रद्द यायेगु निर्णय याःगु खः ।

छुं दिं न्ह्यःनिसें अप्वयावंगु कोरोना भाइरसया संक्रमणयात ध्यानय् तयाः गृह मन्त्रालयं थज्याःगु निर्णय याःगु खँ धाःगु दु । थौं गृह मन्त्रालयं स्वनिगः दुनेया मयेर, जिल्ला प्रशासन अधिकृत, सुरक्षा प्रमुख नापं ट्राफिक प्रहरी नाप याःगु सहलह लिपा थज्याःगु निर्णय याःगु खः ।

गृह मन्त्रालयं याःगु निर्णय एम्बुलेन्स, शववाहान, दमकल, कूटनीतिक नियोगया गाडी, अस्पतालय् ज्याः याइपिं लगायात लागू मजुइगु खँ धाःगु दु । नापं पत्रकारतय् हकय् आधिकारिक परिचयपत्र दुपिंसं आवतजावत यायेफइ ।