गंल्वय् न्यूनीकरण अभिमुखीकरण ज्याझ्वः

ख्वप – नेपाल क्षयरोग निवारण संस्था ख्वप शाखाया ग्वसालय् विद्यार्थी व अभिभावकयात लक्षित यानाः छन्हुया क्षयरोग न्यूनीकरण अभिमुखीकरण ज्याझ्वः जुल । ज्याझ्वलय् संस्थाया प्रशिक्षक हिरण्यप्रताप सांगामिं गंल्वय् सम्बन्धी जानकारी बियादिसें ल्वय्या लक्षण, ल्वचं बचे जुइगु उपाय व उकिया रोकथामया बारे प्रशिक्षण बियादीगु खः ।

संस्थाया निवर्तमान सभापति बाबुकाजी श्रेष्ठं संस्थां थुगु दँय् ख्वप जिल्लान्यंकं सुलांच्वंपिं गंल्वयया ल्वगित मात्तुमालाः इमित वासः यानाः लंकेगु लक्ष्य ज्वनाः न्ह्याः वनाच्वंगुलिं सकसिनं थुगु ज्याय् ग्वाहायलि यानादीत इनाप यानादिल ।

नेपालय् अझ नं झिंनिद्वःनिसें झिंन्याद्वःया हाराहारिइ गंल्वचं कःपिं ल्वगि तनाच्वंगु अवस्थाय् दुगुलिं थुगु ल्वचं ख्वप जिल्लायात नं लिचवः लाकेफुगुलिं इलय् हे सचेत जुयाः सुलाच्वंपिं ल्वगि पत्ता लगे यानाः उपचार सेवा हयेत विद्यार्थी व अभिभावकं जनसमुदाय जनचेतना ब्वलंका वनेमाःगु खँय् बः बियादिसें वय्कलं नेपाल सरकारं निःशुल्क उपचार यायेगु सेवा बियाच्वंक च्वंकं नं थुकिया नियन्त्रणय् समस्या खने दयाच्वंगु जानकारी बियादिल ।

दत्तात्रय आधारभूत विद्यालयया विद्यार्थी व अभिभावकयात लक्षित यानाः न्ह्याकूगु ज्याझ्वलय् स्वीम्हेसिया सहभागिता दुगु खः ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु