अशक्त प्रहरी कर्मचारीयात चारपांग्रे स्कुटर

येँ – प्रहरी महानिरीक्षक सर्वेन्द्र खनालं बहालवाला व सेवानिवृत्त जुइधुंकूपिं अशक्त प्रहरी कर्मचारीयात चारपांग्रे स्कुटर लःल्हानादिल । प्रहरी प्रधान ज्याकुथिइ जूगु ज्याझ्वलय् प्रहरी महानिरीक्षक खनालं स्कुटर लःल्हानादीगु खः । कर्तव्य पालनाया झ्वलय् थीथी कारणं घाःपाः जुयाः अशक्तताया कारणं न्यासि वनेत थाकूपिं पूर्व प्रहरी निरीक्षक रामबहादुर चन्द व केन्द्रीय प्रहरी विशेष कार्यदलय् कार्यरत प्रहरी जवान पासाङ लामायात प्रहरी महानिरीक्षक खनालं चारपांग्रे स्कुटर लःल्हानादीगु खः ।

ज्याझ्वलय् नवासें प्रहरी महानिरीक्षक खनालं सवारी साधनयात फक्व अप्वः उपयोग यानाः जीवनयात अझ अप्वः सार्थक यायेगु कुतः यानादीत इनाप यानादिल । लिसें वय्कलं समस्या वःगु इलय् न्ह्याबलें नं ग्वाहालि यायेत प्रहरी संगठन तयार दु धासें अशक्त अवस्थाय् नं आँट, हिम्मत व साहसयालिसें याःगु संघर्ष प्रेरणादायी जूगु धासें अशक्त प्रहरीया जीवन सफल जुइमा धकाः नं भिंतुना देछानादिल ।

प्रहरी कल्याण कोषपाखें चालु आर्थिक दँया ज्याझ्वःकथं स्वंगः चारपांग्रे स्कुटर न्यानाः अशक्त प्रहरी कर्मचारीयात उपलब्ध याकूगु खः । छगः स्कुटर जिल्ला प्रहरी ज्याकू कास्कीया प्रहरी सहायक निरीक्षक देवी नेपालीयात लःल्हाःगु खः ।

सम्बन्धित बुखँ

LEAVE YOUR COMMENTS