विरामीयात माःगु हिया भाः थहां वन

येँ(नेपालभाषा टाइम्स)- गम्भिर प्रकृति व दुर्घटनाय् लाःपिं विरामीया निंतिं अति आवश्यक हिया भाः थहां वंगु दु । सरकारं मानव जीवनया निंतिं अमूल्य धयातःगु हिया भाः थकाःगु खः ।

स्वास्थ्य तथा जनसंख्या मन्त्रालय स्वास्थ्य सेवा विभाग अन्तर्गतया राष्ट्रिय जनस्वास्थ्य प्रयोगशालां छगू विज्ञप्ती जारी यासें हिया भाः थकानागु जानकारी बिउगु खः ।

प्रयोगशालाया निर्देशक डा. रुणा झां जारी याःगु विज्ञप्तीइ हिया शुल्क ८१० निसें अप्वलय् १६४० कायम यायेत इनाप यानातःगु दु । प्रयोगशालां दक्वं रक्तसंचार केन्द्रलिसें निजी व सरकारी अस्पतालय् आधारित रेडक्रसलिसें सम्बन्धितया निंतिं छ्वःगु पती उकथं मूल्य कायम यायेत इनाप यानातःगु दु ।

मिति ०७८ चैत २२ या नेपाल सरकार स्वास्थ्य तथा जनसंख्या मन्त्रालयया सचिवस्तरया निर्णयकथं भेरिएबल व प्रयोग याःगु प्रविधि बमोजित सेवा शुल्क समायोजन यानाः उपलब्ध याकीगु प्रति युनिट हिया शुल्क ८१० निसे अप्वलय् १६४० कायम यायेत इनाप याःगु दु । थ्व स्वयां न्ह्यः हि प्रति युनिट ५२५ तका कायेगु याना वयाच्वंगु खः ।

अथे हे थ्व स्वयां न्ह्यः ८० तका दां कायम यानातःगु ब्लड ब्यागया नं भाः थकानाः १५० तका कायम याःगु दु ।

सम्बन्धित बुखँ

LEAVE YOUR COMMENTS