नाडाल क्वाटर्रफाइनलय्

युएस ओपनया निगूगु वरियताया कासा राफेल नाडालं क्वार्टफाइनलय् दुहां वंगु दु । स्पेनिस नाडालं २०१४या च्याम्पियन मारिन सिलिकयात प्यंगू सेटं पराजित यासें क्वार्टफाइनलय् दुहां वंगु खः । क्रोसियाया २२ औं सीडया सिलिकयात ६–३, ३–६, ६–१ व ६–२ या सेटं बुकूगु खः । झिंच्यागू ग्रान्डस्लाम विजेता नाडालं आः २० औं सीडया अर्जेन्टिनी कासामि डिएगो स्चेवार्टज्मानलिसे क्वार्टरफाइनलय् धेंधेंबल्लाः याइ ।

डिफेन्डिङ्ग च्याम्पियन नोभाक जोकोभिकं ब्वहया चोटं यानाः धेंधे.बल्लाः त्वःतेवं नाडाल स्वीस कासामि रोजर फेडरर लिसें थुगुसीया च्याम्पियन जुइगु धलखय् लानाच्वंगु दु । यदि फेडरर व नाडाल त्यानावं वन धाःसा थुपिं निम्ह दथुइ हे फाइनल कासा जुइगु जुइ । फेडररं क्वार्टरफाइनलय् बुल्गेरियाया ग्रिगोर डिमिट्रोभलिसे बुधवाः म्हिती ।

सम्बन्धित बुखँ

LEAVE YOUR COMMENTS