ने. सं. ११४६ चाैलागा चर्हे - मातातीर्थ चःह्रे

तातोपानी खुले जुइवं रक्तचन्दन तस्करी शुरु

येँ – उत्तरी नाका तातोपानी बन्द जुइधुंकाः दिनाच्वंगु रक्तचन्दरया तस्करी उगु नाका चालेवं हाकनं शुरु जूगु दु । केन्द्रीय अनुसन्धान ब्युरो (सीआईबी) व महानगरीय प्रहरी वृत्त बौद्धया मंकाः पुचलं ८३ केजी रक्तचन्दन बरामद यायेवं रक्तचन्दनया तस्करत हाकनं सक्रिय जूगु संकेत वःगु खः । बौद्ध प्रहरीया कथं रामहितिं थ्व रक्तचन्दन बरामद याःगु खः ।

छखा छेँय् स्टोर यानातःगु अवस्थाय् म्हीग बहनी रक्तचन्दन ज्वंगु खः । प्रहरीया कथं च्याब् बा लामाया छेँया छकू क्वथां रक्तचन्दन ज्वंगु खः । विशेष सुराकीया आधारय् वंगु प्रहरीया पुचलं रक्तचन्दन सहित च्याब्बा व योन्देन ग्याबजु तामाबयात ज्वंगु दु। रक्तचन्दन मीगु निंतिं अन सञ्चय यानातःगु खँ प्रहरीं धाःगु दु।