सहीद शुक्रराजया १२६ क्वःगु जन्मजयन्ती

यल – देशय् प्रजातन्त्र हयेगु निंतिं थःगु जीवन बलिदान बिउपिं प्यम्ह महान् सहीदमध्ये छम्ह सहीद शुक्रराज शास्त्री जोशीया १२६ क्वःगु जन्मजयन्ती हन । सहीद शास्त्रीया जन्मजयन्ती थीथी ज्याझ्वः यासें हंगु खः । सहीद स्मारक समितिं थनया पूच्वय् च्वंगु सहीद शास्त्रीया झ्वाताय् माल्र्यापण यासें वय्कःया जन्मजयन्ती हंगु दु ।

ज्याझ्वलय् देशय् प्रजातन्त्र हयेगु निंतिं सहीद शास्त्रीं बियादीगु योगदानयात कयाः चर्चा याःगु खः । ज्याझ्वलय् प्रदेश नं. ३ या प्रदेशसभा सदस्य शोभा शाक्यं सहीदया मार्गदर्शनयात न्ह्याबलें सम्मान यानाः न्ह्याः वनेमाःगु खँय् बः बियादिल । यल महानगरपालिकाया उपप्रमुख गीता सत्यालं नेपाःया प्यम्ह वीर सहीदया योगदानयात कयाः न्ह्याः न्ह्याः वनेगु स्वयेमाः धयादिल ।

ज्याझ्वलय् यल मनपा वडा नं. १०या सचिव एकनारापण काफ्ले, सहीद स्मारक समितिया अध्यक्ष दुर्गाबहादुर श्रेष्ठ, राष्ट्रिय ज्येष्ठ नागरिक कोषया सभापति रामकृष्ण कर्माचार्य लगायतं सहीद शास्त्रीया थीथी पक्षयात कयाः नुगःखँ तयादीगु खः । उगु इलय् बागमति ताँनिसें यल महानगरपालिका वडा नं. ११ स्थित सहीद शास्त्रीया छेँ तकया लँपुयात शुक्रराज मार्ग नामाकरण यायेगु ज्यायात कार्यान्वयन यायेत महानगरपालिकायात इनाप नं याःगु खः ।

सम्बन्धित बुखँ

LEAVE YOUR COMMENTS