येँ मनपां आकाशे ताँ निर्माण याइगु

येँ – स्वनिगलय् ट्राफिक व्यवस्थापनय् सहजीकरणलिसें सतक दुर्घटना म्हो यायेत न्हूगु फ्लाई ओभर (आकाशे ताँ) निर्माण याइगु जूगु दु । येँ महानगरपालिकां लँजुवातय् अप्वः चाप दुगु थासय् आकाशे ताँ दयेकेत्यंगु खः । येँ मनपां आः तत्कालया निंतिं लँजुवातय् अप्वः चाप दइगु थीथी च्यागू थासय् आकाशे ताँ दयेकेत्यंगु खः ।

येँ मनपां सडक विभाग व ट्राफिक प्रहरीया सहकार्यय् दयेकेत्यंगु आकाशे ताँ न्हूगु हे कथंया जुइगु नं न्ह्यथंंगु दु । येँ मनपां बिउगु छगू जानकारीकथं लँजुवाःतय् अप्वः चाप दइगु थाय् त्रिपुरेश्वर, माइतीघर, टेकु भंसाः, पुतलीसतक, कोटेश्वर, महाराजगंज, बबरमहल, गौशाला चोक आदि थासय् आकाशे ताँ दयेकेत्यंगु खः । 

‘स्वनिगलय् अप्वःयाच्वंगु सतक दुर्घटना न्यूनीकरण, ट्राफिक व्यवस्थापन व लँजुवातय् निंतिं सुरक्षित रुपं वये–वने याये दइकथं सुरक्षित रुपं आकाशे ताँ दयेकेगु जुइ’ येँ मनपाया भौतिक पूर्वाधार महाशाखा प्रमुख ई. रामबहादुर थापां कनादिल । 

सवारीया व लँजुवातय् अत्याधिक चाप दइगु अज्याःगु थासय् आकाशे ताँया अभाव जूगुलिं न्यासि वनेमाःपिंत समस्या जूगु व लाक्वपाक्व थासं लँ त्वाःल्हाइबलय् ट्राफिक जाम जुइगु नापं सतक दुर्घटना नं जुइगु समस्या जुयाच्वंगु दु ।

सम्बन्धित बुखँ

LEAVE YOUR COMMENTS