लुँया भावय् न्हूगु कीर्तिमान
येँ – लुँया भावं बुधवाः हाकनं न्हूगु कीर्तिमान कायम याःगु दु । बुधवाः छापावाल लुँ छतोलाया ७७ हजार १ सय थ्यंगु दु । मंगलवाः न्हूगु रेकर्ड कायम याःगु लुँया भाः बुधवाः हाकनं छतोलाया प्यसः तका थहां वनाः न्हूगु रेकर्ड कायम याःगु खः । अथेहे बुधवाः वहःया भावय् नं तोलाया झिंन्यातका थहां वनाः छतोलाया ९०५ तका थ्यंगु दु ।
कोरोना भाइरसया कारणं विश्वया अर्थतन्त्रय् लिच्वः लानाच्वगुलिं नं लुँया भां थहां वंगु खँ धाःगु दु । अन्तर्राष्ट्रिय रुपं हे लुँया भाः थहां वंगुलिं नेपालय् नं लुँया भाः थहां वंगु खँ नेपाल सुनचाँदी व्यवसायी महासंघं धाःगु दु ।
ब्याहाया सिजनया इलय् हे लुँया भाः थहां वंगुलिं उपभोक्ता धाःसा मारय् लानाच्वंगु दु । भाः थहां वंगुलिं ब्याहाया सिजनय् तकं लुँ मीत थाकुगू खँ व्यवसायीपिंसं धाःगु दु । सिजनय् न्हि ४०÷५० किलो तक लुँ खपत जुइगु खःसा आः वयाः बछि हे लुँ खपत मजूगु खँ धाःगु दु ।
LEAVE YOUR COMMENTS