श्रीपंचमि मानन्धर गुथिया दँमुँज्याय् सत्यमोहनयात हना

किपू – श्रीपंचमि मानन्धर गुथिया झिक्वःगु दँमुँज्या वंगु शनिवाः जुल । उगु दँमुँज्याय् वाङ्मय शताब्दीपुरुष सत्यमोहन जोशीयात नं हनेज्या याःगु खः । गुथिया दँमुँज्याय् मूपाहां जुयादीम्ह शताब्दीपुरुष जोशीयात नेवाः परम्पराकथं ख्यें सगं बियाः दोसल्लां न्ययेकाः हनापौ देछासे हनेज्या याःगु खः ।

ज्याझ्वः स्वयां न्ह्यः स्थानीय खाःसि बजाःनिसें वय्कःयात धाःबाजं थानाः लसकुस याना हःगु खः । किपू नगरपालिका वडा नं. ३ कुतिसाः त्वालय्च्वंगु गुथिया थःगु हे भवनय् जूगु दँमुँज्या मूपाहां जोशीं त्वाःदेवाय् मत च्याकाः यानादीगु खः । ज्याझ्वलय् नवासें वय्कलं चित्त शुद्ध यायेगु खःसा गुंलाया इलय् थीथी चीभाः, चैत्य चाःहिलेमाःगु व चीभाःयात नं न्हियान्हिथं सुचुपिचु याना तयेमाः धासें थथे जुल धाःसा थःगु चित्त नं न्ह्याबले बांलानाच्वनी धयादिल ।

गुथिया नायः सिद्धिकुमार मानन्धरया सभापतित्वय् जूगु ज्याझ्वलय् एसइइ परीक्षा उत्तीर्ण जुयादीपिं, विद्यावारिधी यानादीपिं व थुगुसी इहिपा यानादीपिं गुथिया जः दुजःपिंत नं सिरपाः व दसिपौ लःल्हाःगु खः ।

पाहांकथं झायादीपिं प्रदेश नं. ३ या प्रदेशसभा सदस्यपिं पुकार महर्जन, वसन्त मानन्धर, किपू नगरपालिकाया प्रमुख रमेश महर्जनं थःथःगु नुगःखँ तयादीगु ज्याझ्वलय् गुथिया जः विना मानन्धरं लसकुस यानादीगु खःसा उलेज्याझ्वः सिधयेकाः बन्द सत्र जूगु खः ।

सम्बन्धित बुखँ

LEAVE YOUR COMMENTS