बौद्ध महोत्सवय् ब्वति कायेत भिक्षु कोण्डन्य थाइल्याण्डय्

येँ- थाइल्याण्डया राजधानी बैंककय् थनिंनिसें झिंन्याक्वःगु अन्तर्राष्ट्रिय बौद्ध महोत्सव जू वनाच्वंगु दु । उगु महोत्सव थनिंनिसें वइगु जेठ १३ गतेतक स्वन्हुयंकं जुइ । महोत्सवय् ब्वति कायेत नेपाःपाखें अखिल नेपाल भिक्षु महासंघया महासचिव भिक्षु कोण्डन्यया नेतृत्वय् छगू प्रतिनिधिमण्डल उखेपाखे बिज्याःगु दु ।

संयुक्त राष्ट्र संघया ग्वसालय् उगु महोत्सव जूवनाच्वगु खः । महोत्सवय् ब्वति कायेगु निंतिं वैशाख दिवसया निंतिं अन्तर्राष्ट्रिय परिषद्या ब्वनाय् थीथी देय्या बौद्ध सम्प्रदायया बौद्ध गुरुपिं उखेपाखे थ्यने धुंकूगु दु । महोत्सवय् बौद्ध दर्शनं शान्ति व समृद्धिया कायम यायेत जनजीवनय् लाकूगु प्रभावया कारणं अन्तर्राष्ट्रियस्तरय् सहलह याइगु ज्याझ्वः दु ।

महोत्सवय् नेपाःपाखें प्रतिनि धित्व यानाबिज्याःम्ह भिक्षु कोण्डन्यं नेपालय् लिपांखुसी जुयाच्वंगु बौद्ध दर्शनया विकास व उकिया अभ्यास बारे जानकारी बियाबिज्याइगु ज्याझ्वः दुसा नापं थाइ जुजु भजिरालोङकर्न बोदिन्द्र देवयभयराङकुनयात नं वसपोलं बुद्ध मूर्ति उपहार स्वरुप लःल्हाना बिज्याइगु जूगु दु ।

सम्बन्धित बुखँ

LEAVE YOUR COMMENTS