बाकुननि पुचलं एसईई ताःलाःपिंत हन
येँ – बाकुननि पुचः यंगाया ग्वसालय् म्हीग शनिवाः छगू ज्याझ्वःया दथुइ थुगुसीया एसईई परीक्षाय् ताःलाःपिं २१ वडाया ब्वनामि भाजु÷मय्जुपिंत मूपाहां येँ महानगपालिकाया मेयर भाजु विद्यासुन्दर शाक्यं हनेज्या यानादिल ।
येँ महानगरपालिका हनुमानध्वाखा दरवार क्षेत्र संरक्षण कार्यक्रमया ग्वाहालिं जूगु थुगु ज्याझ्वलय् प्रतिनिधि सभाया सांसद कृष्णगोपाल श्रेष्ठ, हनुमाध्वाखा दरवार क्षेत्र संरक्षण कार्यक्रमया प्रमुख उदयबहादुर पसखलः श्रेष्ठ, येँ महानगरपालिका २१ वडा वडाध्यक्ष उदय चुडामणि वज्राचार्यपिं विशेष पाहां कथं झायादीगु खःसा पाहां कथं येँमपा २१ वडा दुजःपिं श्याम शाक्य, न्हुछेदेवी महर्जन, ज्ञानु महर्जन, रीना नेपाली, नासः खलःया नायः इन्द्रमान महर्जन व यंगाल क्लबया नायः विनोदराज राजभण्डारीपिं झायादीगु खः ।
पुचःया नायः गौतम प्रधानया सभापतित्वय् न्ह्याःगु उगु ज्याझ्वलय् पुचःया दुजः रेवन्तलाल श्रेष्ठं लसकुस यानादीगु खःसा सुभाय् पुचःया न्वकु कविन्द्र महर्जनं बियादीगु खः । अथे ज्याझ्वलय् पाहांपिंत मतिनाया चिं नं लःल्हायेगु ज्या जूगु खः ।
LEAVE YOUR COMMENTS