मंकाः खलःयात ५ करोड

येँ – नेपालभाषा मंकाः खलःया दबूछेँ निर्माण यायेगु लागिं येँ महानगरपालिकां ५ करोड २५ लाख तका दां बीगु जूगु दु । येँ मनपां थुगु दँया बजेटय् मंकाः खलःया दबूछेँ दनेगु लागिं थ्व बजेट फ्याःगु खः । येँ मनपाया थौंकन्हय् जारी जुयाच्वंगु नगरसभाया न्याक्वःगु अधिवेशनया झ्वलय् म्हिगः प्रस्तुत याःगु आर्थिक वर्ष २०७६-७७ या वार्षिक बजेट तथा कार्यक्रमय् मंकाः खलःया लागिं छुटे याना तःगु थ्व बजेट नं उल्लेख याना तःगु दु ।

नेपालभाषा मंकाः खलकं थःगु दबूछेँ दनेगु लागिं ताः ई न्ह्यवंनिसें कुतः याना वयाच्वंगु खः । येँ मनपाया मेयर विद्यासुन्दर शाक्यं थःगु चुनावी घोषणापत्रय् नं थः त्यात धाःसा मंकाः खलःया दबूछेँ दनेगु लागिं बजेटया व्यवस्था यायेगु बचं बियादीगु खः ।

ताःई न्ह्यवंनिसें विवादं यानाः न्ह्याये मफयाच्वंगु नेपालभाषा मंकाः खलः छुं ई न्ह्यः तिनि जनकवि दुर्गालाल श्रेष्ठया अध्यक्षताय् दर्ता यायेगु ज्या जूगु खः । दबूछेँ दनेगु निंतिं मंकाः खलःया थःगु हे जग्गा समेत दु । आः वइगु बजेटं अन हे दबूछेँ निर्माण याइगु खँ धाःगु दु ।

सम्बन्धित बुखँ

LEAVE YOUR COMMENTS