किपू सिंगिंङ आइडलया सिग्नेचर म्युजिक

किपू – किपू नगरपालिकाया ग्वसालय् जुइगु ‘कीर्तिपुर सिंगिङ आइडल–११४१’या निंतिं सिग्नेचर म्युजिक तयार याःगु दु । किपू नगरपालिकाया ग्वसालय् किपू नगरया ल्याय्म्हपिं म्येँ हालामिपिंत प्रोत्साहित यायेकथं उगु ज्याझ्वः यायेत्यंगु खः ।

सांगीतिक ख्यलय् ल्याय्म्ह पुस्तायात आकर्षित यायेकथं नगरपालिकां उकथंया कासा यायेत्यंगु खःसा कासाया प्रचार प्रसार यायेगु ल्याखं सिग्नेचर म्युजिक तयार याःगु खः ।

सिग्नेचर म्युजिक तयार लिपा आः किपूया थाय्थासय् कासा सम्बन्धी जानकारी बीगु ल्याखं उगु म्युजिकयात प्रयोग यायेगु ग्वसाः खलकं जानकारी बिउगु दु ।

नांजाःम्ह लय्चिनामि हरिशरण साय्मिया संयोजकत्वय् छगू समिति गठन यानातःगु दुसा समितिइ किपूया नांजाःपिं म्येँ हालामिपिं सतिश महर्जन, रानीशोभा महर्जन, दिपा महर्जन, रत्नशोभा महर्जन, सविन श्रेष्ठ, न्हुछे दर्शनधारी, रीता महर्जन, स्वस्ति महर्जन, कृष्णहरि महर्जन लगायतया कलाकारपिं दुजःकथं च्वनादीगु दु ।

किपू आइडलया निंतिं तयार याःगु सिग्नेचर म्युजिकय् समितिया हे दुजः कलाकारपिंसं सः बियादीगु दु ।

सम्बन्धित बुखँ

LEAVE YOUR COMMENTS