आवंलि लेमिनेशन यानातःगु बोराय् जक सिमेन्ट

येँ – आवंलि सिमेन्ट बजारय् छ्वयेबलय् लेमिनेशन यानातःगु बोराय् जक प्याकिङ यानाः छ्वयेमालीगु जूगु दु । नेपाल गुणस्तर तथा नापतौल विभागं आवंलि स्वदेशी व विदेशी कम्पनीं उत्पादन याःगु सिमेन्ट बजारय् छ्वयेबलय् लेमिनेशन यानातःगु बोराय् जक प्याकिङ यानाः छवयेत इनाप याःगु दु ।

विभागं विहीवाः छगू विज्ञप्ती जारी यासें लेमिनेशन यानातःगु बोराय् जक सिमेन्ट प्याकिङ यानाः छ्वयेत सिमेन्ट उत्पादक कम्पनीतय्त इनाप याःगु खः । विभागया महानिर्देशक विश्वबाबु पुडासैनीं लेमिनेशन यानातःगु बोराय् प्याकिङ यानाः बजारय् सिमेन्ट छ्वयेबलय् गुणस्तरय् ह्रास मवइगु नापं सिमेन्टया बोरां पिहां वःगु धू नं म्हो जुइ व सिमेन्टया तौलय् नं शंका यायेमालीगु अवस्था वइमखु धयादिल ।

लेमिनेशन याना तःगु बोराय् प्याकिङ मयासे सिमेन्ट बजारय् छ्वल धाःसा अज्याःगु कम्पनीयात कारवाही यायेगु नं विभागं न्ह्यथंगु दु ।

सम्बन्धित बुखँ

LEAVE YOUR COMMENTS