लुँया भाः तका कुहां वल

येँ (नेपालभाषा टाइम्स) – नेपाःया लुँ वहःया बजारय् म्हिगः छक्वलं लुँया भाः कुहां वःगु दु । म्हीगः तक ९४ हजार ३०० तकां कारोबार जुयाच्वंगु छापावाल लुँया भाः म्हिगः प्रतितोलां १८०० तका कुहां वयाः ९२ हजार ५०० तका कायम जूगु खः । अथे हे तेजाबी लुँया भाः नं कुहां वयाः ९२००० हजार कायम जूगु दु । अमेरिकाय् जुयाच्वंगु चुनावी लिच्वः लिपा राष्ट्रपति डोनाल्ड ट्रम्पं थः पराजित जूगु स्वीकार यायेधुंकाः लुँया भाः कुहां वःगु अनुमान नेपाल सुनचाँदी व्यवसायी संघया पुलांम्ह अध्यक्ष लिसे बजाः विश्लेषक तेजरत्न शाक्यं कनादीगु दु । वय्कःया कथं वाइडेनं थःगु चुनावी अभियानया झ्वलय् कमजोर जुयाच्वंगु डलरयात मजबुत यायेगु व कोरोना महामारीयात नियन्त्रण यायेगु नीति ज्वंगुलिं नं उकिया लिच्वः लुँया बजारय् लाःगु खः । वय्कःया कथं लुँया भाः कुहां वयाः ९० हजार तक कायम जुइफु ।